Daha bir rus casusu TUTULDU
Dünya
24-03-2025 - 22:48
Avstriyada Rusiyaya casusluqda günahlandırılan Bolqarıstan vətəndaşı saxlanılıb.
Ajans.az xəbər verir ki, bu barədə ölkənin Dövlət Təhlükəsizliyi Xidməti məlumat yayıb.
Qeyd olunub ki, adı açıqlanmayan qadın Avstriyada Rusiya üçün casusluq edib və Moskvanın nəzarəti altında dezinformasiyanın yayılması üzrə əməliyyatlar həyata keçirib.
Təhlükəsizlik Xidmətinin əməkdaşları qadının yaşadığı evdə axtarış aparıb, məlumat saxlama cihazlarını müsadirə ediblər. Bu məlumatların təhlili Rusiya xüsusi xidmət orqanları üçün işləyən bir hücrənin mövcudluğunu göstərib.
