Cəlilabadda qəza baş verdi - Sürücülər xəsarət aldı
Gündəm
28-12-2024 - 21:46
Cəlilabadda yol-nəqliyyat hadisəsi baş verib.
Ajans.az xəbər verir ki, hadisə köhnə Ələt-Astara avtomagistralında, Cəlilabad rayonunun Alar kəndi ərazisində qeydə alınıb.
Belə ki, hərəkətdə olan iki "VAZ-2107" markalı minik avtomobili toqquşub. Qəza nəticəsində sürücülər xəsarət alıb.
Xəsarət alan sürücülər Cəlilabad Rayon Mərkəzi Xəstəxanasına çatdırılıb. Hər iki sürücünün Alar kəndindən olduğu bildirilir.
Faktla bağlı araşdırma aparılır.
