Bu avtomobillər taksi fəaliyyəti göstərə BİLƏR - RƏSMİ
Ötən gün "Bolt"un reklamında taksi minik avtomobilinin qara rəngdə olması diqqət çəkib. Lakin bu, Azərbaycandakı taksi avtomobillərinə dair yeni qanunvericiliklə uyğun gəlmir.
Nazirlər Kabinetinin təsdiq etdiyi "Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitələrinin texniki göstəriciləri, daxili və xarici tərtibatına dair tələblər" sənədinə əsasən, Azərbaycanda taksi avtomobillərinin yalnız ağ və ya qırmızı rəngdə olması nəzərdə tutulur. Yeni tələblər iyulun 1-dən qüvvəyə minib.
Maraqlıdır, bu məsələ qanunvericilikdə necə tənzimlənir?
Məsələ ilə bağlı AYNA ilə əlaqə saxladıq. Qurumdan bildirildi ki, yeni qanunvericiliyin yalnız 1 iyul 2024-cü ildən sonra Azərbaycana gətirilən taksi avtomobillərinə şamil edilib:
"Yəni, bu tarixdən əvvəl ölkəyə daxil olan taksi avtomobillərinin rəng tələblərinə cavab verməsi vacib deyil. Əvvəllər gətirilən avtomobillər üçün ağ və qırmızı rəng şərti tətbiq edilmir, çünki bu qanun yalnız 1 iyuldan sonra gətirilən yeni avtomobillərə şamil olunur".
