Birgünlük matəm elan OLUNDU
Dekabrın 23-də Fransanın Hind okeanındakı dəniz kənarında yerləşən Mayot adasında qasırğa nəticəsində insan tələfatı ilə əlaqədar Fransada milli matəm günü elan edilib.
Ajans.az xəbər verir ki, müvafiq qərarı Fransa prezidenti Emmanuel Makron adaya gəldikdən sonra açıqlayıb.
"Biz bir millətik. Maoriyalıların dərdinə şərikik. Dekabrın 23-ü, bazar ertəsi günü milli matəm elan edirəm. Bayraqlar yarıya qədər endiriləcək. Bütün Fransa vətəndaşları matəmə etməyə dəvət olunacaqlar. saat 11:00-da onların ehtiramlarını yad edəcəyik”, - deyə X-də yazıb.
Qeyd edək ki, dekabrın 14-də küləyin sürəti 55 m/s-dən çox olub. İlkin məlumatlara görə, təbii fəlakət nəticəsində 30-dan çox insan həlak olub, 1,4 min nəfər xəsarət alıb. Eyni zamanda, səlahiyyətlilər, qasırğanın adanın 310.000 sakininin təxminən 70% -nə ciddi təsir göstərdiyini qeyd edərək, itkilərin və ölənlərin faktiki sayının əhəmiyyətli dərəcədə arta biləcəyi barədə xəbərdarlıq edib.
