AYNA-nın ZİBİL qabı PARKİNQİ - VİDEO
AYNA öz parkinq zonalarından birini zibil qablarının yanında yerləşdirib.
Bu barədə Ajans.az-ın Baş redaktoru, tanınmış jurnalist Tural Müseyibov paylaşım edib.
Problem odur ki, avtomobillər parkinq etdikdən sonra zibildaşıma maşınları gəlib zibilləri yığsa, bu hər iki tərəf üçün problemli olacaq.
Ümumiyyətlə, AYNA tərəfindən çəkilən zolaqlarla bağlı çox ciddi problemlər olur. Hətta AYNA “Xocalı” prospektindəki zolaqları silməyə məcbur olub. Çünki əhali ciddi şəkildə öz narazılığını dilə gətirmişdi.
Həmçinin AYNA-nın velosiped zolaqları çəkməsi heç bir effekt vermir. Çünki yarımçıq zolaqlardır. Velosipedlə bir nöqtədən digərinə çatmaq mümkün deyil. Yolun yarısında zolaq xəttləri qırılır.
Bu zolaqlar çəkildikdən sonra tıxaclar olmayan ara küçələrdə belə ciddi tıxaclar müşahidə olunub.
Avtobus zolaqları ilə bağlı da problemlər mövcuddur. Yerli sakinlər problemlə əlaqədar Ajans.az-a müraciət edib. Bununla bağlı da digər materiallarda məsələ işıqlandırılacaq.
Ətraflı videoda:
