Atom bombasından sağ çıxan yaponiyalılar Nobel mükafatı QAZANDI
Dünya
11-10-2024 - 14:52
Atom bombasından sağ çıxan yaponiyalılar Nobel Sülh Mükafatını qazanıb.
Ajans.az xəbər verir ki, 2024-cü il Nobel Sülh Mükafatını atom bombasından sağ qalan Yaponiya qrupu Nihon Hidankyo qazanıb. 1945-ci ildə Xirosimaya atılan atom bombasından sağ çıxan həmsədr Toşiyuki Mimaki Nihon Hidankyonun qalib gəldiyi elan edildikdən sonra göz yaşlarına boğulub.
Xirosima və Naqasaki bombardmanlarından sağ çıxanlardan ibarət təşkilat dünyanı nüvə silahından təmizləmək səylərinə görə Norveç Nobel Komitəsi tərəfindən tanınıb. Nobel Komitəsinin sədri Joergen Watne Frydnes, qrupun nüvə tabuunun qurulmasına böyük töhfə verdiyini bildirib.
Şahanə Paşazadə
Vəzifəsi: Müxbir
