ABŞ İranın nüvə obyektlərinə zərbələr endirməyə ÇAĞIRDI
Siyasət
20-01-2025 - 10:35
ABŞ-nin yeni seçilmiş prezidenti Donald Tramp Vaşinqtonun dəstəyi ilə İsraili İranın nüvə obyektlərinə zərbə endirməyə dəvət etməlidir.
Ajans.az xəbər verir ki, respublikaçı senator Lindsi Qrem belə bir addım atmağa çağırıb.
Senatorun fikrincə, İran proqramının diplomatiya yolu ilə zəiflədilməsi şansı çox kiçikdir. Qrem vurğulayıb ki, onun hərbi tədbirlərlə pozulma ehtimalı, əksinə, 90 faizdir.
“Beləliklə, prezident Trampla müzakirə edəcəyim növbəti mövzu İranın nüvə proqramını məhv etmək məqamından istifadə etməkdir, çünki ifşa olunub”, - ABŞ senatoru bildirib.
Yanvarın 3-də məlum olub ki, ABŞ prezidenti vəzifəsini tərk edən Co Bayden öz komandası ilə İranın nüvə obyektlərinə zərbələr endirməyi müzakirə edib.
Şahanə Paşazadə
Vəzifəsi: Müxbir
