Yağışdan qaçıb yağmura düşən sərnişinlər... - Avtobusun damından su axır
Gündəm
30-11-2024 - 08:50
Bakıda fəaliyyət göstərən avtobusun damından su axır. Axan su oturcaqları və içərini isladır.
Ajans.az Xezerxeber.az-a istinadən xəbər verir ki, bununla bağlı görüntülər metronun “Gənclik” stansiyasından Maştağa qəsəbəsi istiqamətində hərəkət edən M8 marşrut avtobusunda lentə alınıb.
Görüntüləri sərnişinlərdən biri - Nicat Məmmədov lentə alıb. Onun sözlərinə görə, yağışlı havadan qorunmaq üçün avtobusa minən sərnişinlər yağışı bu dəfə içəridə hiss ediblər.
Məsələ ilə bağlı “Baku Bus” MMC-dən bildirilib ki, baş verən nasazlıqla bağlı dərhal avtobus təmirə aparılıb.
O da bildirilib ki, avtobusların sazlığı və isitmə sistemləri mütəmadi olaraq nəzarətdən keçirilir.
Xezerxeber.az mövzu ilə bağlı daha ətraflı videomaterialı təqdim edir.
