Türkiyədə dəhşətli QƏZA - 19 yaralı VAR
Manisada fabrikə işçi aparan iki xidməti mikroavtobusun toqquşması nəticəsində 19 nəfər xəsarət alıb.
Ajans.az xəbər verir ki, qəza təhlükəsizlik kameralarına düşüb.
Qəza ilə bağlı araşdırmalara başlanılıb. Qəza saat 08:30 radələrində Yunusemre rayonundakı mütəşəkkil sənaye zonasında baş verib. Mövlud Çaparın idarə etdiyi 45 J 5875 dövlət nömrə nişanlı mikroavtobus idarə olunmayan yol ayrıcında Hüsnü Özsüpürgecinin idarə etdiyi 45 J 1143 dövlət nömrə nişanlı mikroavtobusla toqquşub.
Qəzada 2 sürücü və 17 işçi yaralanıb. Ətrafdakı insanların xəbəri üzərinə qəza yerinə çox sayda sağlamlıq, xilasetmə və jandarma qrupları sövq edilib. Yaralılardan 19-u təcili yardımla ətraf xəstəxanalara aparılıb. Yaralıların səhhətinin yaxşı olduğu öyrənilib.
Qəza zavodun təhlükəsizlik kamerasına düşüb. Görüntülərdə mikroavtobusların toqquşması və nəqliyyat vasitələrinin çölə atıldığı görünür.
