Trampın komandası işə başladı: Hər an sülh imzalana bilər!
Donald Tramp tərəfindən gələcək administrasiyasında milli təhlükəsizlik müşaviri vəzifəsinə seçilən Mayk Vals Ukrayna münaqişəsinin həlli variantlarını nəzərdən keçirir. Onların arasında danışıqlar müddətində atəşkəs də var.
Ajans.az xəbər verir ki, bu barədə Amerikanın CNN telekanalı məlumat yayıb.
“Strategiyanın təfərrüatları hazırlanır, lakin Tramp rəsmiləri tərəflər danışıqlar apararkən ilkin mərhələlərdə atəşkəs üçün səy göstərəcəklər”, - nəşr qeyd edib.
Qeyd olunur ki, Vals həm də Ukrayna üzrə gələcək xüsusi elçi Keyt Kelloqun ideyalarını öyrənir. Bununla belə, jurnalistlər əmindirlər ki, hər hansı sübut olunmuş strategiya haqqında danışmaq hələ tezdir.
Bundan əvvəl Çikaqo Universitetinin professoru Con Meirşeymer bildirmişdi ki, ABŞ-nin hazırkı prezidenti Co Bayden yeni seçilmiş president Donald Trampın andiçmə mərasimindən sonra Ukraynanın uduzması üçün əlindən gələni edir.
Rusiya Təhlükəsizlik Şurasının sədr müavini Dmitri Medvedev qeyd edib ki, ABŞ prezidenti Co Bayden ABŞ-nin seçilmiş prezidenti Donald Trampa Ukraynada çətin miras qoymağı planlaşdırır. O, Ukraynada münaqişənin davam etməsindən və inkişafından faydalanır.
