Panama prezidenti Trampı bununla ittiham etdi
Siyasət
24-12-2024 - 16:01
Amerikanın seçilmiş lideri Donald Trampın Panama kanalının ABŞ-yə verilməsi ilə bağlı sözləri kobud məlumatsızlığın təzahürüdür.
Ajans.az xəbər verir ki, bunu Panama prezidenti Xose Raul Mulino deyib.
“Trampın açıqlamaları onun kobud tarixi məlumatsızlığının təzahürüdür. Dekabrın 31-də Panama kanalının rəsmi olaraq panamalıların əlinə keçməsinin 25 ili tamam olacaq”, - deyə siyasətçi qeyd edib.
Dekabrın 22-də Tramp Panama kanalının yenidən ABŞ-nin mülkiyyətinə keçə biləcəyini açıqlayıb. O, bildirib ki, Panamanın kanal haqları “sadəcə gülüncdür”.
Respublikaçı həm də Panama kanalının və ABŞ bayrağının fotoşəkili ilə yazı dərc edib. Tramp fotoya “ABŞ-yə xoş gəlmisiniz, Kanal” sözlərini yazıb.
Şahanə Paşazadə
Vəzifəsi: Müxbir
