Benzin və dizel BAHALAŞDI -bu ölkədə

ABŞ-də İranla hərbi münaqişə fonunda benzinin bir qallonunun (3,79 litr-red) qiyməti yenidən 4 dollara yüksəlib.

Ajans.az xəbər verir ki, bu barədə ABŞ-nin Milli Avtomobil Assosasiyası (AAA) məlumat yayıb.

Assosiasiyanın məlumatına görə, iyulun 20-nə olan vəziyyətə əsasən, “Regular” (Standart) markalı adi benzinin bir qallonunun orta qiyməti 4 dollar təşkil edir. Dizel yanacağının bir qallonunun qiyməti isə 5 dollar həddini keçərək 5,1 dollara çatıb. Müqayisə üçün qeyd edək ki, iyulun əvvəlində benzinin bir qallonu 3,84 dollara, dizel yanacağının bir qallonu isə 4,81 dollara satılırdı.