Bitkoinin qiyməti AZALDI

Bitkoinin məzənnəsi iyunun 4-nə keçən gecə keçirilən ticarət zamanı 61,4 min dollara qədər enib. Bu, cari ilin fevral ayının əvvəlindən bəri qeydə alınan ən aşağı göstərici hesab olunur.

Ajans.az xəbər verir ki, bitkoinin ucuzlaşması qlobal maliyyə bazarlarında “risk-off” rejiminin güclənməsi ilə əlaqələndirilir. Bu şəraitdə investorlar riskli aktivlərdən uzaqlaşaraq daha təhlükəsiz investisiya alətlərinə üstünlük verirlər.

“Alfa-Foreks” şirkətinin müştəri dəstəyi və satış departamentinin rəhbəri Aleksandr Şneyderman bildirib ki, bitkoinin qiyməti yaxın zamanda iki dəfə azalaraq 33 min dollara qədər enə bilər.