Si Cinpin ABŞ-Çin münasibətləri ilə bağlı xoş mesaj verib

Çin Prezidenti Si Cinpin ABŞ Prezidenti Donald Trampın sağlamlığı və Çin–ABŞ xalqları arasında dostluq münasibətləri ilə bağlı salamlarını çatdırıb.

Ajans.az xəbər verir ki, bu barədə CNN məlumat yayıb.

Si Cinpin bildirib ki, Çin və ABŞ-ın inkişafı və rifahı, həmçinin iki ölkə xalqları arasında münasibətlərin gücləndirilməsi vacib əhəmiyyət daşıyır.

"Çin və ABŞ-ın inkişafı və rifahı, xalqlarımızın xoşbəxtliyi, Çin–ABŞ münasibətlərinin parlaq gələcəyi və xalqlarımız arasındakı dostluq münasibətləri, eləcə də Prezident Trampın və burada iştirak edən bütün dostların sağlamlığı münasibətilə salamlarımı çatdırıram", – deyə Çin lideri qeyd edib.

Si Cinpin həmçinin Tramp ilə keçirilən səhər görüşü zamanı tərəflərin iki ölkə arasında konstruktiv münasibətlərin qurulması və “davamlı sülh üçün strateji sabitliyin qorunması” məsələlərini müzakirə etdiklərini bildirib.