Kim Çen In-ın partiyası seçkilərdə QALİB GƏLDİ

Koreya Xalq Demokratik Respublikasında (KXDR) parlament seçkiləri keçirilib. Dövlət xəbər agentliyinin yaydığı məlumata görə, Ali Xalq Məclisinə keçirilən seçkilərin nəticəsində bütün mandatlar hakim partiyanın rəhbərlik etdiyi koalisiyanın namizədlərinə verilib.

Ajans.az istinadən xəbər verir ki, “On beşinci çağırış Ali Xalq Məclisinə deputat seçkiləri yüksək siyasi fəallıq və coşğu şəraitində uğurla baş tutub”.

Rəsmi nəticələrə əsasən, seçicilərin 99 faizdən çoxu hakim koalisiyanın namizədlərini dəstəkləyib. Səs verənlərin yalnız 0,07 faizi əleyhinə mövqe bildirib, seçici fəallığı isə 99,99 faiz təşkil edib.

Qeyd edək ki, KXDR-də seçkilər təkmandatlı dairələr üzrə keçirilir və alternativsiz xarakter daşıyır. Seçicilərə bülletendə təqdim olunan yeganə namizədə “lehinə” və ya “əleyhinə” səs vermək imkanı verilir.