Hindistan bayraqlı tankerlər Hörmüzdən keçə biləcək

İran Hindistan bayrağı altında üzən tankerlərin Cənubi Asiya ölkəsinin neft idxalının 40%-ni təşkil edən Hörmüz boğazından keçməsinə icazə verəcək. Lakin, ölkədən kənarda olan bir İran mənbəsi belə bir razılaşmanın olmadığını bildirib.

Ajans.az xəbər verir ki, "Reuters" agentliyinin Hindistan hökumətindəki mənbəyə istinadən verdiyi məlumata görə, Hindistan daha əvvəl bildirib ki, iki ölkənin xarici işlər nazirləri son günlərdə üç dəfə bir-biri ilə əlaqə saxlayıblar və bu həftə keçirilən son görüşdə "Hindistan üçün gəmiçilik təhlükəsizliyi və enerji təhlükəsizliyi ilə bağlı məsələlər" müzakirə olunub.

Hindistanlı mənbə bildirib ki, Hindistana gedən iki xarici bayraqlı tanker bu yaxınlarda boğazdan keçib və İran hər iki ölkənin xarici işlər nazirləri arasında telefon danışığından sonra Hindistan bayrağı altında üzən gəmilərin təhlükəsiz keçidini təmin edib.