İraq hava məkanı nə vaxta qədər bağlı qalacaq?

İraq hava məkanı 10 mart tarixinə qədər uçuşlar üçün bağlı olacaq.

Ajans.az TASS-a istinadən xəbərinə görə, bu barədə ölkə üzərindən aviasiya trafikinə cavabdeh olan "Bağdad" uçuş məlumatları bölgəsinin dispetçer xidmətindəki mənbə bildirib.

"Hava məkanı 10 mart çərşənbə axşamı universal zaman üzrə saat 9:00-a (Bakı vaxtı ilə saat 13:00-a - red.) qədər bağlıdır", - deyə məlumatda qeyd edilib.

Mənbə xatırladıb ki, fevralın 28-i günün birinci yarısında dayandırılan uçuşların mümkün bərpası üçün daha əvvəl Bakı vaxtı ilə 7 mart saat 13:00 təyin edilmişdi.