Moskvada PARTLAYIŞ

İstintaq orqanları Moskvanın Savelovski stansiyasında partlayışı törədən şəxsin kimliyini müəyyən edib. Bu barədə "112" Telegram kanalı məlumat yayıb.

Ajans.az Rusiya mediasına istinadən xəbər verir ki, Rusiya İstintaq Komitəsinin (İK) məlumatına görə , hadisə 24 fevral gecəsi Savelovski Stansiyası Meydanında baş verib. Nəticədə zabitlərdən biri ölümcül xəsarət alıb. Digər iki zərərçəkən xəstəxanaya yerləşdirilib.

İstintaq cinayətin mümkün iştirakçılarını müəyyənləşdirir, şahidləri dindirir və CCTV görüntülərinə baxır. Genetik analiz də daxil olmaqla, məhkəmə-tibbi ekspertizası təyin edilib. İstintaqa İstintaq Komitəsinin mərkəzi ofisinin məhkəmə-tibbi ekspertləri qoşulub.

Partlayış yerində iki polis maşını növbətçilik edir, stansiya meydanındakı kordon qaldırılıb və zədələnmiş patrul maşını da evakuatorla aparılıb.

Savelovski stansiyası yaxınlığında gecə yarısı partlayış baş verib. Hadisənin qurbanı baş polis leytenantı Denis Bratuşçenko olub. Cinayət işi açılıb.