Peskov: “Avropa ölkələrinin Navalnı ittihamları əsassızdır”

Rusiya prezidentinin mətbuat katibi Dmitri Peskov bildirib ki, Rusiyada qadağan olunmuş Korrupsiyaya Qarşı Mübarizə Fondunun (FBK) təsisçisi Aleksey Navalnının zəhərlənməsi ilə bağlı beş Avropa ölkəsinin açıqlamaları qərəzli və əsassızdır.

Ajans.az xəbər verir ki,Peskov Kremlin Böyük Britaniya, Fransa, Almaniya, İsveç və Hollandiyanın açıqlamalarına reaksiyasını “çox mənfi” adlandırıb: “Biz təbii ki, bu cür ittihamları rədd edirik. Biz onları qərəzli və əsassız hesab edirik. Biz onları qətiyyətlə rədd edirik”.

Beş ölkənin bəyanatında bildirilir ki, Navalnının zəhərlənməsinə “yüksək ehtimalla epibatidin səbəb olub”. Qeyd olunur ki, bu zəhər Cənubi Amerikanın zəhərli qurbağasının dərisindən əldə edilir.