Ermənistanda silahlı cinayətkar dəstə SAXLANILIB

Polisin apardığı istintaq-əməliyyat tədbirləri nəticəsində Ermənistanda bir qrup şəxsin cinayətkar dəstə yaradaraq qanunsuz silah və sursat əldə etdiyi, həmçinin qətl, silahlı soyğunçuluq və ev oğurluğu törətməyə hazırlaşdığı müəyyən edilib.

Ajans.az News.am-a istinadən xəbər verir ki, dəstə üzvləri müxtəlif şəxslərin şəxsi və maliyyə problemlərinə müdaxilə edib, yüksək cinayətkar nüfuza malik şəxslərlə əlaqə saxlayıb, eləcə də cinayətkar submədəniyyətlə bağlı qrupların görüş və fəaliyyətlərində iştirak ediblər.

Faktlar üzrə cinayət işləri başlanıb. Saxlanılan şəxslər qətl törətməyə hazırlıq və cəhd, qanunsuz silah və sursat saxlama, xuliqanlıq, oğurluq, narkotik vasitələrin qanunsuz dövriyyəsi və digər maddələr üzrə ittiham olunublar.

Aparılan istintaq tədbirləri nəticəsində cinayətkar dəstənin üzvləri saxlanılıb. Cinayətkar qrupun 10 üzvü barəsində ictimai cinayət təqibi başlanıb. Hazırda ilkin istintaq davam etdirilir.