Tramp: “Sülh Şurası” BMT-nin yerini tuta bilər

ABŞ Prezidenti Donald Tramp Qəzza üçün təklif etdiyi “Sülh Şurası”nın Birləşmiş Millətlər Təşkilatını (BMT) əvəz edə biləcəyini bildirib.

Ajans.az Fox News-a istinadən xəbər verir ki, ekspertlər bu ideyanı “mövcud beynəlxalq nizamın yenidən nəzərdən keçirilməsi” kimi qiymətləndirirlər.

Çərşənbə axşamı jurnalistlər Trampdan yeni təşkilatın BMT-nin funksiyasını əvəz edə biləcəyinə inanıb-inanmadığını soruşublar. Prezident cavabında “Ola bilsin” deyib.

Tramp həmçinin BMT-nin öz missiyasını yerinə yetirmədiyini qeyd edib: “BMT-nin böyük fanatıyam, amma gözləntiləri doğrultmadı. BMT mənim həll etdiyim bütün müharibələri həll etməli idi”, – deyə o bildirib.

Bu açıqlama Trampın beynəlxalq təşkilatlar və mövcud diplomatik strukturlara baxışında ciddi dəyişikliklər düşündüyünü göstərir.