“Qalatasaray” və “Fənərbaxça” cərimələnib

Türkiyə Futbol Federasiyasının (TFF) Peşəkar Futbol İntizam Komitəsi (PFDK) Turkcell Super Kuboku matçı zamanı baş verən hadisələrə görə Qalatasaray və Fənərbaxçanı cərimələyib.

Ajans.az xəbər verir ki, bu barədə məlumat federasiyanın rəsmi saytında yayımlanıb. Qalatasaray 1.320.000 türk lirəsi (təxminən 52.000 manat), Fənərbaxça isə 330.000 türk lirəsi (təxminən 13.000 manat) məbləğində cərimələnib.

Komitənin açıqlamasına görə, Qalatasarayın azarkeşlərinin meydanda törətdiyi hadisələrə görə klub 220.000 türk lirəsi (təxminən 8.600 manat), kubokun mükafatlandırma mərasimində iştirak etməməsi səbəbilə isə əlavə 1.100.000 türk lirəsi (təxminən 43.000 manat) cərimə olunub.

Fənərbaxça isə eyni matç zamanı azarkeşlərinin meydanda törətdiyi hadisələrə görə 330.000 türk lirəsi məbləğində cərimələnib.