Türkiyədə FACİƏ: Bloger övladlarını ÖLDÜRÜB

Türkiyənin Adananın Sarıçam rayonunda dəhşətli hadisə baş verib. 34 yaşlı Sergen Altunbaş həyat yoldaşı ilə mübahisədən sonra iki uşağı – 8 yaşlı Ada və 6 yaşlı Mert Altunbaşı – silahla öld*rüb, daha sonra isə özünü vuraraq int*har edib.

Ajans.az Türkiyə KİV-nə istinadən xəbər verir ki,hadisə axşam saatlarında baş verib. Məlumata görə, G.A. həyat yoldaşı ilə mübahisədən sonra evdən çıxıb. Sergen Altunbaş həyat yoldaşı evdən çıxandan qısa müddət sonra uşaqlarını vurub. Silah səslərini eşidən qonşular dərhal polis və tibbi yardım qruplarına məlumat veriblər.

Hadisə yerinə gələn qruplar atanın və uşaqların qan içində olduğunu görüb. Tibb işçiləri onların həyatını itirdiyini təsdiqləyib. Cəsədlər Adana Məhkəmə-Tibb İnstitutunun morquna aparılıb.

Hadisə yerinə gələn qohumlar isə Sergen Altunbaşın avtomobilini yandırıb. Bundan əlavə, Sergen Altunbaşın bir müddət əvvəl sosial mediada “Bir qadın səni vəzir və ya rüsvay edə bilər” məzmununda paylaşım etdiyi məlum olub.

Polis hadisə ilə bağlı araşdırma aparır.