Bu ölkə də Rusiya ilə müharibəyə HAZIRLAŞIR

Britaniya dəniz piyadaları Rusiya ilə mümkün münaqişə vəziyyətində Norveçdə təlimlərə başlayıb. Təlimlər Norveçin şimalındakı Viking düşərgə bazasında keçirilir və NATO Nizamnaməsinin 5-ci maddəsinin işə düşəcəyi ehtimalı nəzərə alınaraq ekstremal şəraitdə aparılır.

Ajans.az Politico-ya istinadən xəbər verir ki, bazada 2026-cı ilin yazında təxminən 1 500 əsgər, 2027-ci ilə qədər isə 2 000 əsgər yerləşdiriləcək.

Briqada generalı Ceymi Norman təlimləri şərh edərkən bildirib:

“Biz artıq sülh içində yaşamırıq.”

Hesabatda vurğulanır ki, təlimlər Arktika dağlarının dərin qarları şəraitində keçirilir və məqsəd Britaniya qüvvələrinin ekstremal şəraitdə Rusiya ilə münaqişəyə hazırlığını artırmaqdır.