Venesuelanın tankerindəki rus heyəti ABŞ-ın nəzarətinə KEÇDİ

Ağ Ev bildirib ki, Şimali Atlantikada saxlanılan Mariner tankerində olan ruslar mühakimə olunacaq. Vaşinqton iddia edir ki, gəmi heç bir ölkəyə məxsus deyil və Rusiya üçün "saxta bayraq" altında üzürdü.

Ajans.az xəbər verir ki, Mariner Venesuelanın kölgə donanmasının bir hissəsi olub və ABŞ sanksiyalarına zidd olaraq qanunsuz neft daşımışdır. Ağ Ev bildirib ki, məsul şəxslər "məsuliyyətə cəlb olunmalıdır" və ABŞ zəruri hallarda Venesuelada güc tətbiq etmək hüququnu özündə saxlayır.

Eyni zamanda, Ağ Ev Venesuela nefti daşıyan digər bir tanker olan Sofianın da saxlanıldığını təsdiqləyib. ABŞ-ın açıqlamasına görə, bu gəmi də heç bir ölkəyə məxsus deyil və qanunsuz fəaliyyət göstərirmiş.