Putin Sovet Xalqının Soyqırımı ilə bağlı qanun İMZALADI

Rusiya Prezidenti Vladimir Putin 19 aprel tarixini Sovet Xalqının Soyqırımı Qurbanlarının Anım Günü kimi təsis edən qanunu imzalayıb. Bu tarix 1941–1945-ci illər Böyük Vətən Müharibəsi zamanı nasistlər tərəfindən törədilmiş soyqırımı xatırlatmaq məqsədilə müəyyən olunub.

Ajans.az xəbər verir ki,müvafiq sənəd hüquqi aktların dərc edilməsi üçün rəsmi portalda yerləşdirilib. Qanun 1 yanvar 2026-cı il tarixindən qüvvəyə minəcək.

Qanun layihəsi 2025-ci ilin noyabrında Rusiya Federasiyası Dövlət Dumasına təqdim edilmişdi. Aşağı palatanın vitse-spikeri İrina Yarovaya bildirib ki, yeni xatirə günü Rusiyanın xatirə təqvimində SSRİ-yə qarşı təcavüzün soyqırım aktı kimi tanınması mövqeyinin milli təsdiqini göstərir.