Özbəkistan ilk peykini kosmosa GÖNDƏRƏCƏK

Özbəkistan öz tarixində ilk dəfə olaraq süni peykini kosmosa göndərməyi planlaşdırır.

Ajans.az xəbər verir ki,bu barədə Prezident Şavkat Mirziyoyev məlumat verib.

Prezident bildirib ki, ölkə müstəqillik tarixində ilk dəfə olaraq həm süni peyk, həm də Özbəkistan vətəndaşının kosmosa göndərilməsi işlərinə start verib.

Mirziyoyev əlavə edib ki, bu təşəbbüs Özbəkistana elmi və texnoloji tərəqqiyə təkan verməli, ölkənin inkişafını yeni səviyyəyə qaldırmalıdır.

Qeyd edək ki, bu layihə Özbəkistanın kosmik texnologiyalar sahəsində irəliləyişi üçün mühüm addım hesab olunur və ölkənin beynəlxalq kosmik layihələrdə iştirak imkanlarını genişləndirməsi gözlənilir.