Özbəkistanda bazarda iki qız dələduzlarının qurbanı OLUB

Özbəkistanda bazarlardan birində çəkildiyi iddia olunan video sosial mediada geniş müzakirələrə səbəb olub. Videoda qanunsuz valyuta alverçilərinin pulu sürətlə sayaraq bəzi əskinasları gizlicə ciblərinə qoyduğu anlar əks olunub.

Ajans.az xəbər verir ki, iki qız baş verənləri dərhal hiss etməyib və nəticədə bir neçə yüz min som məbləğində pul itiriblər. Hadisə cəmi bir neçə saniyə ərzində baş verib.

Qeyd olunur ki, bu cür dələduzluq halları əsasən tələskənlik və qarşı tərəfə həddindən artıq etibar üzərində qurulur. Mütəxəssislər xəbərdarlıq edirlər ki, “əldən-ələ” valyuta mübadiləsi təkcə riskli deyil, eyni zamanda qanunvericiliyə ziddir.