ABŞ Avropanı hədələyir

ABŞ Avropanı bəzi NATO müdafiə koordinasiya mexanizmlərində iştirakını dayandırmaqla hədələyib, əgər 2027-ci ilə qədər müttəfiqlər alyansın müdafiə xərclərinin böyük hissəsini öz üzərinə götürməsələr.

Ajans.az Reuters-ə istinadən xəbər verir ki,ABŞ-ın mesajı Vaşinqtonda NATO-ya nəzarət edən Pentaqon rəsmilərinin görüşü zamanı avropalı diplomatlara çatdırılıb. Pentaqon nümayəndələri bildiriblər ki, hələ də Avropanın müdafiə qabiliyyətlərini artırmaqdakı irəliləyişdən məmnun deyillər.

Onlar əlavə ediblər ki, Avropa müttəfiqləri 2027-ci il son tarixinə əməl etməsələr, ABŞ alyansın bəzi müdafiə koordinasiya mexanizmlərində iştirakını dayandıra bilər. Bu son tarix bəzi Avropa rəsmilərinə qeyri-real görünür.