"The New York Times" Pentaqonu məhkəməyə verir

The New York Times (NYT) qəzeti Pentaqona qarşı məhkəmə iddiası qaldırıb. Qəzet iddia edir ki, ABŞ hərbi departamentində jurnalistlərin fəaliyyətinə qoyulan yeni məhdudiyyətlər onların konstitusiya hüquqlarını pozur.

Ajans.az NYT-a istinadən xəbər verir ki, oktyabr ayından bəri jurnalistlərdən 21 səhifəlik formu imzalamaq tələb olunur. Bu forma "jurnalistik fəaliyyətə məhdudiyyətləri" əhatə edir və xüsusilə mənbələrlə işləməyə təsir göstərir. Qəzet ümid edir ki, məhkəmə Pentaqonu bu yeni təcrübədən imtina etməyə məcbur edəcək.

Pentaqon isə bildirib ki, hərbi obyektlərə giriş "tənzimləmələrə tabe olan imtiyaz"dır və departament milli təhlükəsizliklə bağlı məlumatların sızmasının qarşısını almağa çalışır.

NYT qeyd edir ki, yeni qaydaların tətbiqindən sonra Pentaqon tərəfindən akkreditə olunmuş onlarla jurnalist etiraz olaraq icazələrini təhvil verib. ABC News, CBS News, CNN, Fox News və NBC News də agentliyi tənqid ediblər.