Məktəbdən 300-dən çox uşaq QAÇIRILDI - Bu ölkədə

Bu həftə Nigeriyada katolik məktəbindən 300-dən çox uşaq və işçi qaçırılıb.

Ajans.az bu barədə Reuters agentliyinə istinadən xəbər verir. 

Nigeriya Xristian Assosiasiyası bildirib ki, cümə günü Niger əyalətindəki Müqəddəs Məryəm Məktəbindən aparılanların sayını doğrulamalardan sonra əvvəlki 227 göstəricidən 315-ə qaldırıb.

Bildirilib ki, mərkəzi hökumət təxminən 50 federal kollecin bağlanmasını əmr edib və bəzi ştatlardakı dövlət məktəbləri də bağlanıb.

Cümə günü baş verən kütləvi oğurluq hadisəsi təkcə bu həftə Nigeriyada baş verən üçüncü belə hadisə idi. Bazar ertəsi günü Kebbi əyalətindəki internat məktəbindən 25 məktəbli qız, çərşənbə günü isə Kvara əyalətindəki kilsəyə edilən hücumda silahlılar tərəfindən 38 dindar aparılıb.

ABŞ Dövlət Departamentinin yüksək vəzifəli rəsmisi bildirib ki, ABŞ Nigeriya hökumətini xristian icmalarını və dini azadlığı daha yaxşı qorumağa məcbur etmək planının bir hissəsi olaraq sanksiyalar tətbiq edəcək.