Kərə yağı böhranı: İstehsal azalır, qiymətlər isə ARTIR

Ölkədə kərə yağı istehsalı bu ilin ilk 10 ayında 2.575 ton və ya 10,43% azalaraq 22.115 tona düşüb. Ötən ilin eyni dövründə bu göstərici 24.691 ton idi.

Ajans.az xəbər verir ki, istehlakçılar da qiymətlərin kəskin artdığını bildirir və əksəriyyəti yerli məhsula etibar etmədiyi üçün Belarus və Rusiya yağlarına üstünlük verir.

Azad İstehlakçılar Birliyinin sədri Eyyub Seynovun sözlərinə görə, Azərbaycan özünün kərə yağı ilə cəmi 35%-ə qədərini təmin edir. Son aylarda heyvan xəstəlikləri və antibiotik vurulmuş heyvanların südündən istifadə olunmaması istehsalı daha da azaldıb. Böyük fermer təsərrüfatlarında süd verimi bir neçə dəfə aşağı düşüb ki, bu da bazarı daha çox idxaldan asılı vəziyyətə salıb.

İqtisadçı Eyyub Kərimli bildirir ki, idxala yönəlmiş strategiyalar güclənib və qiymət artımı istehlakçıya ciddi təzyiq yaradır. Əkspertin sözlərinə görə, kərə yağı bazarında azalan yerdi istehsal və artan itixal həcmi birja ekonomik risklərdən xəbər verir. Ekspertlərə görə, istehsalçı və idxalçıların koordinasiyası təmin olunmasa, qiymət artımı davam edəcək və insanların gündəlik ərzaq xərclərinə mənfi təsir göstərəcək.