Paris qrafı Luvrdan oğurlanmış ailə tiarasının qaytarılmasını tələb edib

Paris qrafı Jan d'Orlean Luvr Muzeyindən oğurlanmış sapfir tiarasını tam şəkildə geri qaytarmağa çağırıb.

Ajans.az Reuters-ə istinadən xəbər verir ki, tiara onun ailə mirasının bir hissəsi olub və ulu nənəsinə məxsusdur. O bildirib:

“Çox gec olmamışdan əvvəl zinət əşyalarımızı bizə qaytarın. Bu həm şəxsi, həm də müqəddəsdir.”

O həmçinin vurğulayıb ki, Luvrdan oğurlanmış bu zinət əşyaları Fransanın qiymətsiz irsi hesab olunur.

“Ailəmiz və fransız xalqı üçün bu zinət əşyalarının Luvrdakı yerinə qayıtması vacibdir,” – deyə qraf əlavə edib.