Qanlı etirazlar: Tanzaniyada seçkilərdən sonra 10 nəfər ölüb

Tanzaniyada ümumi seçkilərdən sonra başlayan etirazlar zamanı təhlükəsizlik qüvvələrinin müdaxiləsi nəticəsində ən azı 10 nəfər həlak olub.

Ajans.az Reuters-ə istinadən xəbər verir ki, bu barədə BMT-nin İnsan Hüquqları üzrə Nümayəndəsi Seif Maganqo Cenevrədə jurnalistlərə “etibarlı mənbələrə” istinadən bildirib:

“Tanzaniyada seçkilərlə bağlı davam edən etirazlar zamanı baş verən ölüm və yaralanmalardan narahatıq. Aldığımız məlumatlara görə, ən azı 10 nəfər həlak olub.”

Çərşənbə günü ölkədə prezident seçkiləri fonunda iğtişaşlar başlayıb. Hakimiyyət təhlükəsizliyi qorumaq məqsədilə paytaxt Dodoma da daxil olmaqla bir neçə şəhərdə hərbi qüvvələr yerləşdirib.