9000 dollar dəyərində Labubu kuklalarını oğurlanıb- bu ölkədə...

Avstraliyanın Melburn şəhərində 40 yaşlı kişi nadir kolleksiya kuklalarının oğurlanmasında ittiham olunub. Polis tərəfindən yayılan məlumata görə, sözügedən şəxs 9000 dollar dəyərində olan 43 ədəd Labubu kolleksiya kuklasını oğurlamaqda və oğurlanmış əşyaları saxlamaqda təqsirləndirilir.

Ajans.az ABC News-a istinadən xəbər verir ki, hadisə ilə bağlı istintaq çərçivəsində çərşənbə axşamı Melburnun qərbində yerləşən Aeroport Qərb bölgəsində polis reydi keçirilib. Əməliyyat zamanı oğurlanmış kuklalar aşkarlanaraq müsadirə edilib və şübhəli şəxs saxlanılıb.

Polisin bildirdiyinə görə, ələ keçirilən kuklaların bir qismi təxminən 500 dollar dəyərində olan və məhdud sayda buraxılmış kolleksiyalara aiddir. Müsadirə edilən əşyalar arasında qəhvəyi çantaya bərkidilmiş Labubu breloku da olub.

Təqsirləndirilən şəxs oğurluq və oğurlanmış əmlakı saxlamaq ittihamı ilə həbs edildikdən sonra 2026-cı ilin mayında Melburn Sülh Məhkəməsində ifadə vermək üçün zaminə buraxılıb.

Labubu kuklaları Honq-Konqlu rəssam Kasing Lung tərəfindən hazırlanıb və 2015-ci ildə satışa çıxarıldıqdan sonra böyük populyarlıq qazanıb. Əvvəllər təxminən 30 dollara satılan bu oyuncaqlar hazırda kolleksiyaçılar tərəfindən yüzlərlə, hətta minlərlə dollara alınır.