“Mango” sahibinin oğlu atasını öldürməkdə təhqiq edilir

Moda nəhəngi Mangonun milyarder sahibi İsak Andiçin oğlu Conatan Andiç, atasının İspaniyada təxminən 500 fut hündürlükdən yıxılaraq öldürməkdə şübhə ilə istintaqa cəlb edilib.

Ajans.az xəbər verir ki,hadisə ötən il dekabr ayında Barselona yaxınlığında, Kolbato ərazisində baş verib. İsak Andiç dağ gəzintisi zamanı yıxılaraq həyatını itirib. O zaman Conatan, atasının ölüm hadisəsinin yeganə şahidi olub. İlk mərhələdə hakimiyyət orqanları hadisəni qəza kimi qiymətləndirərək təhqiqatı müvəqqəti dayandırmışdı.

Lakin 2024-cü ilin mart ayında Barselona yaxınlığındakı Martorell məhkəməsi təhqiqatı yenidən açıb. Polis mənbələri hələ də hadisəni qəza kimi qiymətləndirsə də, İspaniya mediası son günlərdə 44 yaşlı Conatanın adam öldürmək şübhəsi ilə araşdırıldığını xəbər verib. Hazırda ona qarşı heç bir rəsmi ittiham irəli sürülməyib.

Ailə sözçüsü bildirib: “Andiç ailəsi İsak Andiçinin ölümü ilə bağlı son aylarda heç bir açıqlama verməyib və gələcəkdə də verməyəcək. Lakin ailə proseslərə hörmətlə yanaşır və hüquq-mühafizə orqanları ilə əməkdaşlığını davam etdirir. Ümid edirik ki, proses ən qısa zamanda yekunlaşacaq və Conatanın günahsızlığı sübut olunacaq.”

Hadisə zamanı polis mənbələri qeyd edib ki, Conatan atasının önündə gedirmiş və ölüm anında arxadan daşların səsi gəldiyi üçün geriyə çevrilib.