Pikassonun əsəri müəmmalı şəkildə yoxa çıxıb

Məşhur ispan rəssam Pablo Pikassonun 1918-ci ilə aid olan “Gitara ilə natürmort” adlı rəsm əsəri oktyabrın 3-dən etibarən itib.

Ajans.az xəbər verir ki, əsər oktyabrın 2-də (cümə axşamı) Madriddən Qranadaya yola salınıb, lakin heç vaxt təyinat nöqtəsinə çatmayıb.

Yarım səhifəlik bu dəyərli sənət əsəri, 56 digər əsərlə birlikdə nəqliyyat şirkətinin qərargahından Pinto şəhərindən (Madrid vilayəti) göndərilib. Lakin yalnız Pikassonun əsəri təyinat yerinə – CajaGranada Mədəniyyət Mərkəzində keçirilən “Natürmort: Boşluğun Əbədiliyi” adlı sərgiyə çatmayıb. Digər bütün əsərlər hazırda sərgidə nümayiş olunur.