Jurnalist və siyasətçi Kara-Murzanın həbsi barədə qərar verildi

Moskvanın Basmannı Rayon Məhkəməsi jurnalist və siyasətçi Vladimir Kara-Murzanın qiyabi həbsi barədə qərar çıxarıb.

Ajans.az xəbər verir ki,bu barədə TASS məlumat yayıb.

Məhkəmə istintaq orqanlarının təqdim etdiyi vəsatəti təmin edərək, Kara-Murzanın Rusiya Cinayət Məcəlləsinin iki maddəsi – ordu haqqında yalan məlumat yaymaq və qadağan olunmuş dini-ekstremist təşkilatda iştirak – üzrə təqsirləndirildiyini bildirib.

İstintaqın məlumatına görə, Kara-Murza müvafiq çağırışlara baxmayaraq məhkəmə iclaslarına gəlməyib. Bu səbəbdən, müstəntiqlər onun barəsində qiyabi həbs qərarının verilməsini xahiş ediblər.

Qeyd edək ki, Vladimir Kara-Murza Rusiyada uzun illər müxalifət fəaliyyətləri ilə tanınır və əvvəlki illərdə də müxtəlif cinayət işləri çərçivəsində ittiham olunub. Hazırda onun harada olduğu rəsmi şəkildə açıqlanmayıb.