III Çarlzın sağlamlıq durumu narahatlıq yaradıb

Xərçəng xəstəliyi ilə mübarizə aparan Böyük Britaniya kralı III Çarlzın son çıxışları saray əyanları və təbəələri arasında ciddi narahatlığa səbəb olub.

Ajans.az RadarOnline-a istinadən xəbər verir ki, 76 yaşlı monarxın ictimai görünüşü onun səhhəti ilə bağlı suallar doğurub.

III Çarlzın Londonda keçirilən COP30 iqlim sammitində iştirak etdiyi zaman xeyli arıqladığı və solğun göründüyü bildirilir. Mənbələrdən biri qeyd edib:

“Onun kostyumu üzərində sallanırdı. O, sadəcə geyim deyil, ciddi bir xəstəliklə mübarizə aparan birinə bənzəyirdi.”

Saray mənbələri etiraf edirlər ki, kralın sağlamlıq görüntüsünü “mükəmməl” kimi təqdim etmək artıq mümkün deyil. Onların sözlərinə görə, Vəliəhd Şahzadə Uilyam kralın yerini tədricən tutmağa hazırlanır:

“Onlar səssiz şəkildə Uilyamı daha aktiv rola hazırlayırlar – və bunu tez edirlər.”

Hərçənd ki, Bukingem Sarayı kralın vəziyyətinin stabil olduğunu və onun yüngül vəzifələrini icra etməyə davam etdiyini bildirir, müşahidəçilər III Çarlzın "kövrək" və "yorğun" göründüyünü vurğulayırlar. Hətta foto redaktələrinin belə bu görüntünü gizlədə bilmədiyi deyilir.

Xatırladaq ki, III Çarlza 2024-cü ilin qışında xərçəng diaqnozu qoyulmuşdu. Həkimlər ona kütləvi tədbirlərdən uzaq durmağı və fəaliyyətini məhdudlaşdırmağı tövsiyə etmişdilər.