Trampın Melaniya ilə yöndəmsiz söhbəti kameraya düşdü

ABŞ-ın keçmiş prezidenti Donald Tramp və həyat yoldaşı Melaniya Tramp Birləşmiş Millətlər Təşkilatının Nyu-Yorkda keçirilən Baş Assambleyasından qayıdarkən Marine One prezident helikopterində kameraların diqqət mərkəzinə düşüblər.

Ajans.az xəbər verir ki,kadrlarda cütlüyün arasında baş verən yöndəmsiz söhbət və Melaniyanın başını narazılıqla yelləməsi açıq şəkildə görünür.

Videoda 79 yaşlı Donald Tramp barmağını qarşısında oturan 55 yaşlı Melaniyaya tərəf sərt şəkildə yelləyir. Cütlük söhbətə davam edərkən Melaniyanın jest və mimikaları narahatlıq və ya narazılıq ifadə edir. Hadisə çərşənbə günü axşam baş verib və görüntülər qısa zamanda sosial mediada yayılıb.

Klipin sonunda cütlük Marine One-dan enərək Ağ Evin Cənub Qazonunu əl-ələ tutaraq birlikdə keçir. Bu, söhbət əsnasında müşahidə olunan gərgin atmosferə baxmayaraq, onların birlikdə ictimaiyyət qarşısına çıxması kimi qiymətləndirilib.