Trampın açıqlamasının mövzusu bəlli olub

ABŞ prezidenti Donald Trampın yaxın vaxtlarda verəcəyi açıqlamanın mövzusu məlum olub.

Ajans.az xəbər verir ki,bu barədə Fox News müxbiri Ceki Haynrix sosial şəbəkədəki hesabında Trampın çıxışının Pentaqonla bağlı olacağını yazıb.

Jurnalist Ağ Evin mətbuat katibi Karolin Levitinə istinad edərək bildirib ki, “Prezident Tramp ABŞ Müdafiə Nazirliyinə aid həyəcanverici bəyanat verəcək”.

Daha əvvəl Trampın saat 14:00-da (Moskva vaxtı ilə 21:00) Ağ Evin Oval kabinetindən elan olunmamış mövzuda çıxış edəcəyi bildirilmişdi.

Qeyd edək ki, avqustun 25-də Tramp ABŞ Müdafiə Nazirliyinin köhnə adını – “Müharibə Departamenti” – bərpa etməyə üstünlük verdiyini açıqlamışdı. Onun fikrincə, bu departamentin adı ABŞ-ın yalnız müdafiə deyil, həm də hücum qabiliyyətini əks etdirməlidir.

New from @PressSec Karoline Leavitt on today’s 2pm event: “The President will be making an exciting announcement related to the Department of Defense.”

— Jacqui Heinrich (@JacquiHeinrich) September 2, 2025