Uşaq səkkizinci mərtəbədən yıxılaraq sağ qaldı

Kazanda bir yaş yarımlıq uşaq səkkizinci mərtəbədən yıxılaraq möcüzəvi şəkildə sağ qalıb.

Ajans.az “Kazan s ogonyom”Telegram kanalına istinadən xəbər verir ki,uşaq valideyn nəzarəti olmadan qaldığı zaman pilləkən qəfəsinə düşüb. Zərərçəkmiş xəstəxanaya yerləşdirilib, vəziyyəti barədə əlavə məlumat verilməyib.

Hadisə ilə bağlı araşdırma başlanıb və Rusiya prokurorluğu tərəfindən istintaq aparılır.

Qeyd edək ki, iyul ayında Moskvada da oxşar hadisə baş vermiş, 9-cu mərtəbədən yıxılan qız sağ qalmışdı.