Rusiya səmasında onlarla PUA- Elektrik xətləri zədələndi

Növbətçi hava hücumundan müdafiə sistemləri Ukraynaya məxsus 35 pilotsuz uçuş aparatını məhv edib

Ajans.az Rusiya Müdafiə Nazirliyi istinadən xəbər verir ki,növbətçi hava hücumundan müdafiə sistemləri Moskva vaxtı ilə saat 15:30-dan 18:00-a qədər Ukraynaya məxsus 35 pilotsuz uçuş aparatını (PUA) ələ keçirərək məhv edib.

Dronların əksəriyyəti — 19-u Krasnodar diyarı üzərində vurulub. Doqquz PUA Bryansk vilayətinin ərazisində, dördü Azov dənizinin suları üzərində, ikisi Kaluqa vilayətində, biri isə Moskva vilayətində məhv edilib.

Bundan əvvəl Tatarıstanın Tukaevski rayonunda vurulmuş üç pilotsuz təyyarənin qalıqları tikinti meydançasında tapılıb. Hadisə nəticəsində ölən və yaralanan olmayıb.

Eyni zamanda, Krasnodar diyarında Ukrayna Silahlı Qüvvələrinə məxsus pilotsuz təyyarələrin düşməsi elektrik xəttinə ziyan vurub.