Təyyarə qəzası- bu ölkədə

Kanadada kiçik təyyarə hava limanının yaxınlığına düşüb. Kanadanın paytaxtı Ottavada kiçik bir təyyarənin hava limanı yaxınlığına düşdüyü bildirilib.

Ajans.az xəbər verir ki,  CBC News-un xəbərinə görə, qəza yerli vaxtla saat 18:00 radələrində baş verib.

Hadisə yerinə polis, yanğınsöndürənlər və təcili yardım qrupları cəlb olunub, lakin təyyarədə neçə nəfərin olduğu və ya xəsarət alanların olub-olmadığı barədə hələlik rəsmi məlumat verilməyib.

Ottava polisi, hava limanı yaxınlığında baş verən qəza səbəbilə bəzi yolların nəqliyyat üçün bağlandığını bildirib.

Ərazidə yaşayan bir şəxs tərəfindən paylaşılan fotoda təyyarənin ağaclar arasında sıxışıb qaldığı görünür.