Pezeşkiyan: Heç kim İranı diz çökdürə bilməz

Prezident Məsud Pezeşkiyan bildirib ki, birləşmiş və həmrəy qaldığı müddətcə İran xalqını heç bir güc diz çökdürə bilməz və heç bir maneə onların irəliləyişinə əngəl ola bilməz.

Ajans.az xəbər verir ki, O, cümə axşamı Zəncan şəhərində keçirilən mərasimdə çıxış edərkən iyun ayında İsrail-ABŞ tərəfindən İslam Respublikasına qarşı 12 günlük təcavüz aktları zamanı İran xalqının, polisinin, təhlükəsizlik qüvvələrinin və raket alimlərinin “şərəfli” və güclü müdafiəsini yüksək qiymətləndirib.

Pezeşkiyan, həmçinin İran Silahlı Qüvvələrinin – Ordu və İslam İnqilabı Keşikçiləri Korpusunun (SEPAH) – məcburi müharibə zamanı göstərdiyi böyük səylərə görə təşəkkür edib.

“Bütün düşmən təhdidlərinə və təzyiqlərinə baxmayaraq, bu qüvvələr… Dəmir Qübbə ilə təchiz olunmuş sionist rejimi və qabaqcıl hərbi texnologiyaya sahib ABŞ-ı məğlub edib, onları raketlərlə hədəfə aldı,” – deyə prezident vurğulayıb.

Pezeşkiyan əlavə edib ki, İran xalqı və Silahlı Qüvvələr ağır sanksiyalara baxmayaraq milli suverenliyi müdafiə etdilər.