Çin iqtisadiyyatında artım

Çin iqtisadiyyatı ABŞ-ın tariflərinə baxmayaraq, ikinci rübdə 5,2% artıb

Ajans.az xəbər verir ki,bu ilin ilk yarısındakı iqtisadi artım hökumətin stimullaşdırıcı tədbirləri və ABŞ-Çin ticarət müharibəsindəki müvəqqəti fasilə sayəsində sürətlənib. Bu fasilə ixracatçılara yeni tariflər qüvvəyə minməzdən əvvəl məhsullarını xaricə göndərmək imkanı verir.

Rəsmi məlumatlara görə, 2025-ci ilin ikinci rübündə Çin iqtisadiyyatı ABŞ ilə davam edən ticarət gərginliyinə baxmayaraq, ötən ilin eyni dövrü ilə müqayisədə 5,2% artıb.

İkinci rübdəki artım tempi birinci rübdəki 5,4%-dən bir qədər aşağı olsa da, hökumətin "təxminən 5%" olan illik hədəfinə çatmaq yolunda davam edir.

İlin birinci yarısındakı iqtisadi göstəricilər dövlətin stimullaşdırıcı tədbirləri və ABŞ-Çin ticarət müharibəsində gərginliyin müvəqqəti dayandırılması ilə dəstəklənib. Bu, ixracatçılara mümkün tarif artımından əvvəl məhsullarını xaricə göndərmək imkanı yaradıb.

“Çin ikinci rübdə 5%-lik rəsmi hədəfdən yüksək artım əldə etdi, bu, qismən də ixracatın əvvəlcədən həyata keçirilməsi ilə bağlı idi,” – deyə Pinpoint Asset Management-in baş iqtisadçısı Jivey Çjan bildirib.