Almaniyada qadın bıçaqla insanlara hücum etdi, XƏSARƏT ALANLAR VAR

Ajans.az xəbər verir ki, bu barədə “Bild” nəşri məlumat yayıb.

Qeyd olunub ki, hadisə dünyanın ən böyük pivə festivalı olan Oktoberfestin keçirildiyi Terezienvize meydanına baş verib.

Qadın yoldan keçən bir neçə nəfəri bıçaqlayıb.

Qəzet vurğulayıb ki, polis onu güllələyib. Hadisədən sonra təcili əməliyyat olunan qadının həyatını xilas etmək mümkün olmayıb.

Bundan əvvəl Almaniyanın şərqindəki Passau şəhərində (Bavariya federal əyaləti) naməlum şəxs avtomobili izdihamın üzərinə sürüb.