ABŞ-yə kim HÜCUM EDƏCƏK? - Müharibəyə HAZIRLAŞIR

Kiyevin Rusiya hərbi aerodromlarına hücumundan sonra ABŞ özünə qarşı belə bir hücumu simulyasiya edib və ABŞ-nin belə hallardan qorunmadığı qənaətinə gəlib.

Ajans.az xəbər verir ki, bu fikir “The Wall Street Journal (WSJ)” jurnalının redaktor məqaləsində yer alıb.

Buna görə də jurnalistlər əmindirlər ki, ABŞ-nin İsrailin istifadə etdiyi lazer qurğularına bənzər mövcud Patriot sistemlərinin və yeni texnologiyaların istifadəsinə əsaslanacaq çoxsəviyyəli raketdən müdafiə sisteminə ehtiyacı var.

Belə ki, ABŞ prezidenti Donald Tramp da “Qızıl Qübbə” raketdən müdafiə sistemi yaratmaq ideyasına görə nəşrdən təriflər alıb.

WSJ qeyd edir ki, “Mətbuatın bunu göstərməsi vaxt itkisi deyil. Birləşmiş Ştatlar ballistik raketlərdən başqa, pilotsuz təyyarələr və kəşfiyyat zondlarından tutmuş sualtı qayıqlardan atılan qanadlı raketlərə qədər bir çox təhlükələrlə üz-üzədir”.

Buna görə də amerikalılar müharibələrin ABŞ-dən həmişə uzaq olduğunu düşünmək vərdişindən əl çəkməlidirlər. Bu, indi reallığa uyğun gəlmir. Hakimiyyət isə vətəndaşları mümkün təhlükə barədə xəbərdar etməlidir.

Bir gün əvvəl Ağ Evin mətbuat katibi Caroline Levitt bildirmişdi ki, ABŞ Ukrayna Silahlı Qüvvələrinin Rusiya aerodromlarına endirdiyi zərbələrdən sonra öz daxili təhlükəsizliyini düşünür.

ABŞ prezidentinin Ukrayna üzrə xüsusi nümayəndəsi Keyt Kelloq ukraynalılara xəbərdarlıq edib ki, Kiyevin Rusiya aerodromlarına son hücumları münaqişənin gərginləşməsinə səbəb ola bilər. ABŞ rəsmisi həmçinin qeyd edib ki, Rusiya tərəfi aerodromlara qarşı terror hücumlarına mütləq cavab verəcək.