Tramp “Qızıl Qübbə”ni işə SALIR - Nə BAŞ VERİR?

ABŞ üç il ərzində “Qızıl Qübbə” raketdən müdafiə sistemini işə salmağı planlaşdırır.

Ajans.az xəbər verir ki, bunu ABŞ prezidenti Donald Tramp deyib.

“Biz prezident Ronald Reyqanın 40 il əvvəl başladığı işi həqiqətən başa vuracağıq”, - deyə, Amerika lideri bildirib.

O, əlavə edib ki, texnologiya “əldə edə biləcəyi qədər mükəmməlliyə yaxındır”.

Bundan əvvəl Rusiya və Çin ABŞ-nin “Qızıl Qübbə” sisteminin yaradılması layihəsini sabitliyi pozan adlandırmışdı. Xüsusilə, Moskva və Pekin layihənin kosmosda silahların yerləşdirilməsinə gətirib çıxara və bu məkanı silahlanma yarışı arenasına çevirə biləcəyindən narahat olduqlarını bildiriblər.