Özbəkistan prezidenti Moskvaya gedəcəyini TƏSDİQLƏDİ

Özbəkistan prezidenti Şavkat Mirziyoyev Böyük Vətən Müharibəsində Qələbənin 80 illiyinə həsr olunmuş bayram tədbirlərində iştirak etmək üçün mayın 9-da Moskvaya səfər etməyi planlaşdırdığını təsdiqləyib.

Ajans.az xəbər verir ki, bu barədə Özbəkistan liderinin mətbuat xidməti məlumat yayıb.

“Özbəkistan Respublikasının Prezidenti Şavkat Mirziyoyev bu il mayın 8-9-da işgüzar səfərlə Moskvaya səfər edəcək”, - məlumatda deyilir.

Qeyd olunur ki, Mirziyoyev səfəri zamanı Moskvada Böyük Qələbə bayramı münasibətilə keçiriləcək bayram tədbirlərində iştirak edəcək, həmçinin Rusiya Federasiyasının nümayəndələri ilə bir sıra ikitərəfli görüşlər keçirəcək.